Hyderabad: బైకును ఢీ కొన్న వ్యాన్‌.. వ్య‌క్తి మృతి
హైద‌రాబాద్ (CLiC2NEWS): హైద‌రాబాద్‌లోని అమీర్‌పేటలో రోడ్డు ప్ర‌మాదం చోటుచేసుకుంది. మైత్రివ‌నం చౌర‌స్తావ‌ద్ద మోటార్ సైకిల్‌ను ఓ వ్యాను ఢికొన్న‌ది. ఈ ప్ర‌మాదంలో బైక్‌పై వెళ్తున్న వ్య‌క్తి ఘ‌ట‌నాస్థ‌లంలోనే మృతి చెందాడు.
విష‌యం తెలుసుకున్న పోలీసులు ఘ‌ట‌నాస్థ‌లానికి చేరుకుని మృత‌దేహాన్ని ఆసుప‌త్రికి త‌ర‌లించారు. మృతుడిని మ‌హేష్‌గా గుర్తించారు. ఈ ప్ర‌మాదంతో ఆ ప్రాంతంలో భారీగా ట్రాఫిక్ జామ్ అయింది. పోలీసులు ప్ర‌మాదానికి గురైన వాహ‌నాల‌ను తొల‌గించి ట్రాఫిక్‌ను క్లియ‌ర్ చేశారు. ఈ ఘ‌ట‌న‌పై పోలీసులు కేసు న‌మోదు చేసుకొని ద‌ర్యాప్తు చేస్తున్నారు.