ట్రాక్ట‌ర్ బోల్తా.. ముగ్గురి మృతి

సంస్థాన్ నారాయ‌ణ‌పురం (CLiC2NEWS): యాదాద్రి భువ‌న‌గిరి జిల్లా సంస్థాన్ నార‌య‌ణ‌పురం మండ‌లం చిన్నంబావిలో ట్రాక్ట‌ర్ అదుపుత‌ప్పి ముగ్గురు ప్రాణాలు కోల్పోయారు. మండ‌లంలోని శేరిగూడెం గ్రామంలో ఇటుక‌ల‌ను అన్‌లోడ్ చేసి తిరిగి వ‌స్తున్న స‌మ‌యంలో ట్రాక్ట‌ర్ డ్రైవ‌ర్ ఎల్ల‌య్య‌కు గుండెపోటు వ‌చ్చింది. దీంతో డ్రైవ‌ర్ నియంత్ర‌ణ కోల్పోవ‌డంతో వాహ‌నం అదుపుత‌ప్పి ప‌క్క‌కు పల్టీలు కొట్టింది. ఈ ప్ర‌మాదంలో ట్రాక్ట‌ర్ డ్రైవ‌ర్ స‌హా ఇంజిన్ పై కూర్చున్న సీతారం, దుర్గ అనే కూలీలు మృతి చెందారు. మ‌రో ముగ్గురికి తీవ్ర గాయాల‌య్యాయి. వీరిద్ద‌రు ఆంధ్ర‌ప్ర‌దేశ్‌కు చెందిన వారిగా గుర్తించారు. విష‌యం తెలుసుకున్న పోలీసులు ఘ‌ట‌నాస్థ‌లికి చేరుకుని కేసున‌మోదు చేసి ద‌ర్యాప్తు చేస్తున్నారు.