రాష్ట్రంలోని అన్ని జిల్లాల్లో ఎస్సి అభ్య‌ర్ధుల‌కు ఫ్రీ కోచింగ్..

హైద‌రాబాద్ (CLiC2NEWS): రాష్ట్రంలో త్వ‌ర‌లో ఉద్యోగాల నోటిఫికేష‌న్స్ వెలువ‌డ‌నున్నాయి. నేప‌థ్యంలో గ్రూప్ 1,2,3,4 ఉద్యోగాల‌కు ప్రిపేర‌య్యే ఎస్సి ఉద్యోగార్ధుల కోసం ఉచితంగా శిక్ష‌ణ అందించ‌నున్న‌ట్లు ప్ర‌క‌టించారు. రాష్ట్రంలోని 33 జిల్లాల్లో, జిల్లా కేంద్రంలోని స్ట‌డి సెంట‌ర్ల‌లో 75 నుండి 150 మందికి ఉచితంగా కోచింగ్ ఇవ్వ‌నున్నారు. డిగ్రీ ఉత్తీర్ణులయిన‌వారు కుటంబ వార్షిక ఆదాయం రూ. 3 ల‌క్ష‌ల లోపు ఉన్న‌వారికి అవ‌కాశం కల్పించ‌నున్నారు. అభ్య‌ర్ధుల‌కు డిగ్రీలో వ‌చ్చిన మార్కుల ఆధారంగా ఎంపిక నిర్వ‌హిస్తారు. అభ్య‌ర్ధులు ఏప్రిల్ 9 వ‌తేది నుండి 18వ తేది వ‌ర‌కు ఆన్‌లైన్‌లో వివ‌రాల‌ను న‌మోదు చేసుకోవాలి.

ఉచిత కోచింగ్ తీసుకొనే అభ్య‌ర్ధుల‌కు రోజుకు రూ. 75 చొప్పున (లంచ్‌,టి కోసం) రెండు నెల‌లు చెల్లించ‌నున్నారు. దీంతో పాటు రూ. 1500 విలువ చేసే మెటీరియ‌ల్‌ను కూడా అందిస్తారు. రిజిస్ట్రేష‌న్ కోసం http://tsstudycircle.co.in అనే వెబ్‌సైట్‌ను చూడ‌గ‌ల‌రు.