లారీని ఢీ కొట్టిన ఆర్టీసీ బ‌స్సు
నిజామాబాద్ (CLiC2NEWS): నిజామాబాద్ జిల్లా మెండోరా మండ‌లంలో రోడ్డు ప్ర‌మాదం జ‌రిగింది. మండ‌లంలోని బుస్సాపూర్ వ‌ద్ద జ‌రిగిన రోడ్డు ప్ర‌మాదంలో ఆగి ఉన్న లారీని ఆర్టీసీ బ‌స్సు ఢీ కొట్టింది. ఈ ప్ర‌మాదంలో దాదాపు 24 మందికి గాయాల‌య్యాయి. స‌మాచారం అందుకున్న పోలీసులు ఘ‌ట‌నా స్థ‌లానికి చేరుకుని క్ష‌త‌గాత్రుల‌ను స్థానికుల సాయంలో ఆసుప‌త్రికి త‌ర‌లించారు. కాగా గాయ‌ప‌డిన వారిలో ఐదుగురి ప‌రిస్థితి విష‌మంగా ఉంద‌ని తెలిపారు. ప్ర‌మాద సమ‌యంలో బ‌స్సులో 40 మంది ప్ర‌యాణికులు ఉన్న‌ట్లు తెలుస్తోంది. ఈ ప్ర‌మాదానికి సంబంధించి పూర్తి వివ‌రాలు తెలియాల్సి ఉంది.