అట్లీ దర్శకత్వంలో `జ‌వాన్‌`గా షారుఖ్ ఖాన్
ముంబ‌యి (CLiC2NEWS): షారూఖ్ ఖాన్ అభిమానులకు బిగ్ న్యూస్.. బాలీవుడ్ బాద్షా ఎట్టకేలకు సౌత్ ఫిల్మ్ మేకర్ అట్లీతో తన రాబోయే చిత్రాన్ని ప్రకటించారు. ఇందులో ఆయనతో పాటు నయనతార కూడా నటిస్తోంది. ఈ మేర‌కు SRK ప్రొడక్షన్ హౌస్ రెడ్ చిల్లీస్ ఎంటర్‌టైన్‌మెంట్ శుక్ర‌వారం ఓ ప్ర‌త్యేక విడియోతో పాటు టైటిల్ టీజ‌ర్‌ను విడుదల చేశారు. ఈ చిత్రం జూన్ 2, 2023న విడుదల కానుంది.
ఈ చిత్రం హిందీ, తమిళం, తెలుగు, మలయాళం, కన్నడ భాషల్లో విడుదలవుతోంది. టీజర్‌లో షారూఖ్ తన ముఖమంతా కట్టుతో కొత్త‌రూపుతో అభిమానులకు క‌నువిందు చేశాడు. ఈ సినిమాలో షారుఖ్ ఖాన్ ద్విపాత్రాభిన‌యంతో క‌నిపిస్తార‌ని, వాణిజ్య పంథా క‌ల‌బోసిన దేశ‌భ‌క్తి ప్ర‌ధాన చిత్రం ఇది అని చెబుతున్నారు. కాగా ఈ సినిమాని షారుఖ్ స‌తీమ‌ణి గౌరీఖాన్ నిర్మిస్తున్నారు. ప్ర‌స్తుతం షారుఖ్ ఖాన్ సిద్దార్థ్ ఆనంద్ దర్శకత్వంలో `ప‌ఠాన్‌` సినిమాలో నిటిస్తున్నారు. రాజ్‌కుమార్ హిరానీ దర్శకత్వంలో `డంకీ` పేరుతో ఇంకో సినిమా కూడా చేయ‌బోతున్నారు.