ఒక్క‌రోజులో 12వేల కేసులు..
ఢిల్లీ (CLiC2NEWS): దేశంలో క‌రోనా కేసులు రోజురోజుకీ పెరుగుతున్నాయి. గ‌త కొద్ది రోజులుగా 8 వేల‌కు పైగా న‌మోద‌వుతున్న కొత్త కేసుల సంఖ్య.. తాజాగా గురువారం ఆ సంఖ్య 12 వేల మార్కు దాటింది. కేంద్ర ఆరోగ్య శాఖ గ‌ణాంకాల ప్ర‌కారం.. దేశంలో బుధ‌వారం 5.19 ల‌క్ష‌ల మందికి క‌రోనా నిర్థార‌ణ ప‌రీక్ష‌లు నిర్వ‌హించ‌గా.. 12,213 మందికి పాజిటివ్‌గా తేలింది. అత్య‌ధికంగా మ‌హారాష్ట్ర (4,024), కేర‌ళ (3,488), ఢిల్లీ, క‌ర్ణాట‌క‌తో స‌హా ప‌లు రాష్ట్రాల్లో వైర‌స్ వ్యాప్తి అధికంగా ఉంది. ఐదు నెల‌లు త‌ర్వాత అత్య‌ధిక కేసులు న‌మోద‌వ‌డం గ‌మ‌నార్హం. ప్ర‌స్తుతం దేశంలో 58,215 యాక్టివ్ కేసులున్నాయి.