ఖ‌మ్మం నుండి హైద‌రాబాద్‌కు డ్ర‌గ్స్ త‌ర‌లిస్తూ..
ఖ‌మ్మం (CLiC2NEWS): న‌గ‌రానికి చెందిన యువ‌కులు డ్ర‌గ్స్ త‌ర‌లిస్తూ పోలీసుల‌కు పట్టుబ‌డ్డారు. వారి వ‌ద్ద‌నుండి ప‌ది గ్రాముల డ్ర‌గ్స్‌ను, 60గ్రాముల యాష్ ఆయిల్‌, 1600 గ్రాముల గంజాయిని పోలీసులు స్వాధీనం చేసుకున్నారు. ఇద్ద‌రు యువ‌కుల‌ను పోలీసులు అదుపులోకి తీసుకొని విచారిస్తున్నారు. వీరి వ‌ద్ద డ్ర‌గ్స్‌తో పాటు గంజాయిని కూడా గుర్తించారు. యువ‌కులు వాటిని హైద‌రాబాద్‌లో విక్ర‌యించేందుకు తీసుకొచ్చిన‌ట్లు తెలిపారు.
నిందితులు జీవ‌నోపాధి కోసం బెంగళూరు వెళ్లిన వారికి డ్ర‌గ్స్ డీల‌ర్‌తో ప‌రిచ‌యం ఏర్పడింది. కొంత‌కాలం అక్క‌డ డ్ర‌గ్స్ స‌ర‌ఫ‌రా చేసిన త‌ర్వాత పోలీసుల‌కు దొరికాడు. అక్క‌డి నుండి హైద‌రాబాద్‌కు మకాం మార్చాడు. హైద‌రాబాద్‌లో కూడా అత‌నిపై రెండు కేసులు న‌మోద‌య్యాయి. మ‌ళ్లీ అత‌ను త‌న మ‌ఖాం ఖ‌మ్మంకు మార్చుకున్నాడు. అక్క‌డినుండి కొరియ‌ర్‌, ట్రావెల్ స‌ర్వీసు ద్వారా హైద‌రాబాద్‌కు డ్ర‌గ్స్ స‌ర‌ఫ‌రా చేస్తున్నాడు. అత‌ను బెంగళూరు. గోవా, ముంబ‌యి నుండి దిగుమ‌తి చేసుకొని ఖ‌మ్మం నుండి హైద‌రాబాద్‌కు స‌ర‌ఫ‌రా చేస్తున్న‌ట్లు పోలీసులు తెలిపారు.