సామూహిక జాతీయ గీతాలాప‌న‌తో మారుమోగిన తెలంగాణ
హైద‌రాబాద్ (CLiC2NEWS): తెలంగాణ ముఖ్య‌మంత్రి కెసిఆర్ ఇచ్చిన పిలుపుమేర‌కు రాష్ట్రమంతా జాతీయ గీతం ‘జ‌న‌గ‌ణ‌మ‌న’తో మారుమోగింది. స్వ‌తంత్ర భార‌త వ‌జ్రోత్స‌వాల‌లో భాగంగా ఈ నెల 16వ తేదీ ఉద‌యం 11.30 గంట‌ల‌కు తెలంగాణ రాష్ట్రమంతా జాతీయ‌గీతాలాప‌న చేయాల‌ని సిఎం కెసిఆర్ పిలునిచ్చిన విష‌యం తెలిసిన‌దే. ఈ మేర‌కు మంగ‌ళ‌వారం రాష్ట్రంలోని అన్ని ప్ర‌ధాన జంక్ష‌న్లు, ప్ర‌భుత్వ కార్యాల‌యాలు, విద్యాసంస్థ‌లుతో స‌హా అన్నిచోట్ల సామూహికంగా జాతీయ‌గీతం జ‌న‌గ‌ణ‌మ‌న ఆల‌పించారు. వాహ‌న‌దారులు స‌హితం త‌మ వాహ‌నాల‌ను ఎక్క‌డిక‌క్క‌డ నిలిపి ఈ కార్య‌క్ర‌మంలో భాగ‌స్వాముల‌య్యారు.
న‌గ‌రంలోని అబిడ్స్ జిపిఓ స‌ర్కిల్ వ‌ద్ద ఏర్పాటు చేసిన కార్య‌క్ర‌మానికి సిఎం కేసిఆర్ హాజ‌ర‌య్యారు. సిఎంతో పాటు ప‌లువురు మంత్రులు, ఎంపిలు, ఎమ్ ఎల్ ఎలు జాతీయ‌గీతం ఆల‌పించారు. ఈ కార్య‌క్ర‌మంలో ప్ర‌జ‌లు పెద్ద ఎత్తున పాల్గొన్నారు.