న‌ల్ల‌జ‌ర్ల వ‌ద్ద ప్రైవేటు బ‌స్సు బోల్తా.. 8మందికి తీవ్ర గాయాలు
న‌ల్ల‌జ‌ర్ల (CLiC2NEWS): తూర్పుగోదావ‌రి జిల్లాలో ప్రైవేటు బ‌స్సు ప్ర‌మాదానికి గురైంది. న‌ల్ల‌జ‌ర్ల శివారులో ఆర్ధ‌రాతి దాటాక ఆరెంజ్ ట్రావెల్స్ బ‌స్సు అదుపుత‌ప్పి బోల్తా ప‌డింది. ఈప్ర‌మాదంలో 8 మందికి తీవ్రంగా గాయాల‌య్యాయి. ఘ‌ట‌నా స‌మ‌యంలో బ‌స్సులో 35 మంది ప్ర‌యాణికులు ఉన్నారు. ఆరెంజ్ ట్రావెల్స్ బ‌స్సు గుంటూరు నుండి విశాఖ‌ప‌ట్ట‌ణం వెళ్తుండ‌గా ప్ర‌మాదం జ‌రింగింది. గాయ‌ప‌డిన వారికి ఏలూరు ప్ర‌భుత్వాసుప‌త్రికి త‌ర‌లించి చికిత్స అందిస్తున్నారు.