నీటి గుంత‌లో మునిగి ముగ్గురు చిన్నారులు మృతి

షాద్‌న‌గ‌న‌ర్ (CLiC2NEWS): రంగారెడ్డి జిల్లా షాద్‌న‌గ‌ర్‌కు చెందిన ముగ్గురు చిన్నారులు నీటి గుంత‌లో మునిగి మృతి చెందారు. సోలీపూర్ శివారులో వెంచ‌ర్ కోసం వేసిన స్థ‌లంలో నీరు నిల్వ ఉండ‌గా.. అందులో చేప‌లు ప‌ట్టేందుకు దిగిన చిన్నారులు మృత్యువాత ప‌డ్డారు. చిన్నారులంద‌రూ ప‌ది ఏళ్లలోపు వారే. త‌మ పిల్ల‌ల‌కోసం వెతుకుతూ వెళ్లిన త‌ల్లిదండ్రుల‌కు చిన్నారుల మృత‌దేహాలు నీటిలో తేలియాడుతూ క‌నిపించాయి. చిన్నారుల మృతితో వారి త‌ల్లిదండ్ర‌లు క‌న్నీరుమున్నీరుగా విల‌పిస్తున్నారు. స‌మాచారం అందుకున్న పోలీసులు ఘ‌ట‌నా స్థ‌లానికి చేరుకుని విచార‌ణ చేప‌ట్టారు.