పండుగ వేళ.. హైద‌రాబాద్‌లో ఉగ్ర‌కుట్ర‌ను భ‌గ్నం చేసిన పోలీసులు
హైదరాబాద్ (CLiC2NEWS): న‌గ‌రంలో పేలుళ్ల‌కు కుట్ర‌ప‌న్నిన ముగ్గురు నిందితుల‌ను పోలీసులు అరెస్టు చేశారు. హైద‌రాబాద్‌లో పేలుళ్ల‌కు కుట్ర‌ప‌న్నార‌న్న ఇంట‌లిజెన్స్ వ‌ర్గాలు ఇచ్చిన స‌మాచారం మేర‌కు సిట్ పోలీసులు దాడులు నిర్వ‌హించారు. ముసారాంబాగ్‌లో నివాస‌ముంటున్న అబ్దుల్ జాహెద్‌ను అరెస్టు చేశారు.
హైద‌రాబాద్‌లోని ముసారాంబాగ్‌తో పాటు చంపాపేట్‌, సైదాబాద్, బాబాన‌గ‌ర్‌, సంతోష్ న‌గ‌ర్‌లోని మ‌రికొంద‌రి ఇళ్ల‌లో టాస్క్‌ఫోర్స్ పోలీసులు స‌హ‌కారంతో సిట్ అధికారులు సోదాలు నిర్వ‌హించారు. సైదాబాద్ వాసి స‌మీరుద్దీన్‌, మెహ‌దీప‌ట్నం వాసి హ‌స‌న్ ఫారూఖీనికూడా పోలీసులు అరెస్టు చేశారు. . వీరి నుండి నాలుగు హ్యాండ్ గ్ర‌నేడ్‌లు, రూ. 5.41 ల‌క్ష‌ల న‌గ‌దు, సెల్‌ఫోన్‌ల‌ను, ఒక బైక్‌ను పోలీసులు స్వాధీనం చేసుకున్నారు. ఉగ్ర‌దాడికోసం జాహెద్‌.. మాజ్‌హ‌స‌న్, స‌మీరుద్దీన్‌ను రిక్రూట్ చేసుకున్నాడ‌న్న ఇంట‌లిజెన్స్ వ‌ర్గాలు ఇచ్చిన స‌మాచారం మేర‌కు సిట్ పోలీసులు దాడులు నిర్వ‌హించారు.