ఈ నెల‌లో 1500 ఆశ పోస్టుల‌కు నోటిఫికేష‌న్: మంత్రి హ‌రీశ్‌రావు
హైద‌రాబాద్ (CLiC2NEWS): ఈ నెల‌లో జిహెచ్ ఎంసి ప‌రిధిలో 1500 ఆశ పోస్టుల‌కు నోటిఫికేష‌న్ విడుద‌ల చేయ‌నున్న‌ట్లు రాష్ట్ర వైద్యారోగ్య‌శాఖ మంత్రి హ‌రీశ్‌రావు తెలిపారు. శాస‌న‌స‌భ‌లో ఆయ‌న మాట్లాడుతూ.. పేద‌ల సౌక‌ర్యార్థం బ‌స్తీ ద‌వాఖాన‌ల ప‌ని దినాల్లో మ‌ర్పు చేస్తామ‌ని.. శనివారం సెల‌వు ఇస్తున్నామ‌న్నారు. ఆదివారాలు ప‌నిచేయ‌నున్న‌ట్లు తెలిపారు. బ‌స్తీ ద‌వాఖానాల్లో త్వ‌ర‌లో బ‌యోమెట్రిక్ విధానం అమ‌లులోకి వ‌స్తుంద‌న్నారు. వీటిలో లిపిడ్ ప్రొఫైల్‌, థైరాయిడ్ వంటి ఖ‌రీదైన వైద్య‌ప‌రీక్ష‌లు
చేస్తున్నట్లు తెలిపారు. ఈ మార్చి ఆఖ‌రుక‌ల్లా 134 ర‌కాల ప‌రీక్ష‌లు నిర్వ‌హిస్తామ‌న్నారు. 158 ర‌కాల మందులు ఉచితంగా పంపిణీ చేస్తున్నట్లు పేర్కొన్నారు. త్వ‌ర‌లో మేడ్చ‌ల్ జిల్లాకు మెడ‌క‌ల్ క‌ళాశాల మంజూరు చేస్తామ‌న్నారు. క్ర‌మక్ర‌మంగా రాష్ట్రంలోని ప్ర‌తి జిల్లాలో మెడిక‌ల్ క‌ళాశాల‌లు ఏర్పాటు చేస్తామ‌ని తెలిపారు.