ఎపిలో ఎమ్మెల్యే కోటా ఎమ్మెల్సీ స్థానాల‌కు నోటిఫికేషన్
అమ‌రావ‌తి (CLiC2NEWS): ఆంధ్ర‌ప్ర‌దేశ్ రాష్ట్రంలో ఎమ్మెల్యే కోటా ఎమ్మెల్సీ అభ్య‌ర్థుల ఎన్నిక‌కు నోటిఫికేషన్ విడుద‌లైంది. ఎన్నిక‌ల రిట‌ర్నింగ్ అధికారి సుబ్బారెడ్డి సోమ‌వారం నోటిఫికేషన్ జారీ చేశారు. మార్చి నెలాఖ‌రుకు ఏడుగురు శాస‌న మండ‌లి స‌భ్యుల ప‌ద‌వీ కాలం ముగియ‌నుండ‌టంతో.. ఖాళీల‌ను భ‌ర్తీ చేసేందుకు ఎన్నిక‌ల నోటిఫికేషన్ జారీ చేశారు. ఎమ్మెల్సీగా నామినేష‌న్ దాఖ‌లు చేసే అభ్య‌ర్థులు స్వ‌యంగా లేదా వారి ప్ర‌తిపాద‌కుడి ద్వారా అయినా రాష్ట్ర శాస‌న‌స‌భా భ‌వ‌నంలో రిట‌ర్నింగ్ అధికారికి నామినేష‌న్లు అందించాల్సి ఉంటుందని సుబ్బారెడ్డి తెలిపారు.
ప్ర‌స్తుత శాస‌న‌మండ‌లి స‌భ్యులు నారా లోకేశ్‌, పోతుల సునీత, బ‌చ్చుల అర్జునుడు, డొక్కా మాణిక్య వ‌ర‌ప్ర‌సాద రావు, వ‌రాహ వెంక‌ట సూర్య‌నారాయ‌ణ రాజు పెనుమ‌త్స, గంగుల ప్ర‌భాక‌ర్ రెడ్డిల ప‌ద‌వీకాలం ఈనెల 29వ తేదీతో ముగియ‌నుంది.