ఎమ్మెల్యేలుగా ప్ర‌మాణ‌స్వీకారం చేసిన చంద్ర‌బాబు, పవన్
అమ‌రావ‌తి (CLiC2NEWS): ఎపి శాస‌న‌స‌భ‌లో శుక్ర‌వారం ఎమ్మెల్యేలు ప్ర‌మాణ స్వీకారం చేశారు. ముందుగా సిఎం చంద్ర‌బాబు, డిప్యూటి సిఎం పవన్ క‌ల్యాణ్ ఎమ్మెల్యేలుగా ప్ర‌మాణం చేశారు. అనంత‌రం మంత్రులు, ఎమ్మెల్యేలు ప్ర‌మాణం చేశారు. వీరంద‌రితో ప్రొటెం స్పీక‌ర్ గోరంట్ల బుచ్చ‌య్య చౌద‌రి ప్ర‌మాణం చేయించారు. అదేవిధంగా మాజి సిఎం వైఎస్ జ‌గ‌న్ ఎమ్మెల్యేగా ప్ర‌మాణం చేశారు. ప్ర‌మాణం చేసిన అనంత‌రం ఆయ‌న స‌భ‌లో ఉండ‌కుండా ఛాంబ‌ర్‌కు వెళ్లిపోయారు.
ఎపి అసెంబ్లీ ఎన్నిక‌ల్లో కూట‌మి అభ్య‌ర్థుల అనూహ్య‌మైన విజ‌యం సాధించిన సంగ‌తి తెలిసిందే. టిడిపి ఎమ్మెల్యేలు 134 మంది, జ‌న‌సేన నుండి 21 మంది బిజెపి నుండి 8 మంది ఎమ్మెల్యేలు గెలుపొందారు. శుక్ర‌వారం మొత్తం 172 మంది ఎమ్మెల్యేలు ప్ర‌మాణం చేశారు. మిగిలిన వారు రేపు ప్ర‌మాణ‌స్వీకారం చేయ‌నున్నారు.