తిరుమ‌ల రెండో ఘాట్‌రోడ్డులో ప్ర‌మాదం.. యువ‌తీయువ‌కులు మృతి
తిరుమ‌ల (CLiC2NEWS): శ్రీ‌వారి ద‌ర్శ‌నానికి ద్విచ‌క్ర‌వాహ‌నంపై బ‌య‌లు దేరిన యువ‌తి యువ‌కులు ప్ర‌మాదానికి గుర‌య్యారు. తిరుమ‌ల రెండో ఘాట్ రోడ్డులో వీరి బైక్ అదుపుత‌ప్ప‌డంతో ఇద్ద‌రూ బ‌స్సుకింద ప‌డిపోయారు. ఈ ప్ర‌మాదంలో ఇద్ద‌రూ అక్క‌డిక‌క్క‌డే మృతి చెందారు. పోలీసులు తెలిపిన వివ‌రాల ప్ర‌కారం.. త‌మిళ‌నాడు , తిరువ‌ల్లూరు జిల్లా ప‌ల్లిప‌ట్టుకు చెందిన ఎస్ కార్తిక్‌, తిరువ‌ణ్ణ‌మ‌లై జిల్లా చెంగం తాలూకా మ‌ష‌ర్ గ్రామానికి చెందిన సౌమ్య ఇద్ద‌రూ స్వామివారి ద‌ర్శ‌నానికి బ‌య‌లుదేరారు. అలిపిరి మార్గంలో రెండో ఘాట్ రోడ్డు మీదుగా వ‌స్తున్నా వీరి బైక్ .. ఆఖ‌రి మ‌లుపు వ‌ద్ద బ‌స్సును ఓవ‌ర్‌టేక్ చేయ‌బోయి అదుపుత‌ప్పి బ‌స్సుకింద ప‌డిపోయారు. పోలీసులు, టిటిడి అధికారులు ఘ‌ట‌నా స్థ‌లానికి చేరుకున్నారు. మృత‌దేహాల‌ను రుయా ఆస్ప‌త్రికి త‌ర‌లించారు. మ‌రోవైపు కార్తీక్‌కు నెల రోజుల్లో వివాహం చేయాల‌ని కుటుంబ స‌భ్యులు నిర్ణ‌యించారు. అంత‌లోనే ప్ర‌మాదానికి గుర‌వ‌డంతో కుటుంబ‌స‌భ్యులు క‌న్నీరుమున్నీర‌వుతున్నారు.