భార‌త హాకీ జ‌ట్టుకు కాంస్యం..
Paris Olympics: పారిస్ ఒలింపిక్స్‌లో భార‌త హాకీ జ‌ట్టు కాంస్య ప‌త‌కం సాధించింది. దీంతో ఒలింపిక్స్ భార‌త ప‌త‌కాల సంఖ్య నాలుగుకు చేరింది. ఒలింపిక్స్‌లో భార‌త్ 52 ఏళ్ల త‌ర్వాత వ‌రుస‌గా రెండు కాంస్య ప‌త‌కాలు ద‌క్కించుకుంది. టోక్యో ఒలింపిక్స్‌లోనూ భార‌త్ కాంస్య ప‌త‌కం గెలిచింది. 1968,1972 లో ప‌త‌కాలు సాధించింది.
పారిస్ ఒలింపిక్స్‌లో గురువారం జ‌రిగిన కాంస్య ప‌త‌క పోరులో భార‌త హాకీ జ‌ట్టు విజ‌యం సాధించింది. స్పెయిన్‌పై 2-1 తేడాతో హ‌ర్మ‌న్ ప్రీత్ జ‌ట్టు కాంస్య ప‌త‌కం సాధించింది. కెప్టెన్ హ‌ర్మ‌న్ ప్రీత్ సింగ్ రెండు గోల్స్ చేసి భార‌త్ విజ‌యంలో కీల‌క పాత్ర పోషించారు.