Hyderabad: సినీన‌టి క‌స్తూరి అరెస్టు
హైద‌రాబాద్‌ (CLiC2NEWS): తెలుగు ప్ర‌జ‌ల‌పై అనుచిత వ్యాఖ్య‌లు చేసినందుకు గాను సినీన‌టి క‌స్తూరిని పోలీసులు అరెస్టు చేశారు. చెన్నై పోలీసులు ఆమెను హైద‌రాబాద్‌లో అరెస్టు చేశారు. హిందూ మ‌క్క‌ల్ క‌ట్చి ఆధ్వర్యంలో చెన్నై లో నిర్వ‌హించిన ఆందోళ‌న‌లో పాల్గొన్న ఆమె తెలుగువారిపై అభ్యంత‌ర‌క‌ర వ్యాఖ్య‌లు చేశారు. దీనిపై ప‌లు తెలుగుసంఘాలు, ప్ర‌ముఖులు ఆగ్ర‌హం వ్య‌క్తం చేశారు. పోలీస్ స్టేష‌న్ల‌లో ఇచ్చిన ఫిర్యాదు మేరకు.. ఆమెపై న‌లుగు సెక్ష‌న్ల కింద కేసు న‌మోదు చేశారు. స‌మ‌న్లు ఇవ్వ‌డానికి ఇటీవ‌ల పోయెస్ గార్డెన్ ఉన్న క‌స్తూరి ఇంటికి వెళ్ల‌గా.. ఇంటికి తాళం ఉంది. ఆమె సెల్‌కి ఫోన్‌చేయ‌గా స్విచాఫ్ అని రావ‌డంతో ప‌రారీలో ఉన్నట్లు పేర్కొన్నారు. గాలించేందుకు ప్ర‌త్యేక బృందాల‌ను ఏర్పాటు చేశారు. హైద‌రాబాద్‌లోని నార్సింగ్ స్టేష‌న్ ప‌రిధిలోని పుష్పాల‌గూడ‌లో ఉన్నట్లు తెలుసుకున్న చెన్నై పోలీసులు ఆమెను అదుపులోకి తీసుకున్నారు.