F4 రేస్ టైటిల్ గెలుచుకున్న నాగ‌చైత‌న్య జ‌ట్టు

హైద‌రాబాద్ (CLiC2NEWS): కోయంబ‌త్తూర్‌లో నిర్వ‌హించిన డామినెంట్ షోలో అక్కినేని నాగ‌చైత‌న్య‌కు చెందిన హైద‌రాబాద్ బ్లాక్‌బ‌ర్డ్స్ F4 రేస్ టైటిల్ ను గెలుచుకుంది. రేస‌ర్ అఖిల్ అలీఖాన్ టైటిల్ అందుకున్నాడు. హైద‌రాబాద్ బ్లాక్‌బ‌ర్డ్స్‌కు హీరో నాగ‌చైత‌న్య ఫ్రాంచైజి ఓన‌ర్‌గా ఉన్నారు. రేస‌ర్ అఖిల్ అలీఖాన్ అద్భుత ప్ర‌ద‌ర్శ‌న‌తో F4 ఛాంపియ‌న్ షిప్‌ను కైవ‌సం చేసుకున్నాడు. ఇంత‌కు ముందు కూడా ప‌లు రేసింగ్ ఛాంపియ‌న్ షిప్‌ల‌ను హైద‌రాబాద్ బ్లాక్ బ‌ర్డ్స్ సొంతం చేసుకుంది.

ఇండియ‌న్ రేసింగ్ లీగ్ ఛాంపియ‌న్‌షిప్‌లో అఖిల్ బెంగ‌ళూరుకు చెందిన రుహాన్ అల్వాపై గెలుపొందాడు. రుహాన్ అల్వా.. స‌ర్టిఫైడ్ ఫార్ములా 4 ఇండియ‌న్ ఛాంపియ‌న్‌షిప్లో గ్రాండ్ డ‌బుల్‌ను సాధించిన‌ప్ప‌టికీ అకిల్ అలీభాయ్ ఓడించ‌లేక‌పోయాడు. అక్కినేని నాగ చైత‌న్య టాలీవుడ్ హీరోగానే కాకుండా వ్యాపార రంగంలోనూ రాణిస్తున్నాడు. చైతూకి కార్‌, బైక్ రేసింగ్ అంటే ఎక్కువ మ‌క్కువ‌. అత‌ని వ‌ద్ద అనేక ల‌గ్జ‌రీ మోడ‌ల్ వెహిక‌ల్స్ ఉన్నట్లు స‌మాచారం.