‘పుష్ప 2’ నుండి శ్రీ‌లీల కిస్సిక్.. స్పెష‌ల్ సాంగ్
చెన్నై (CLiC2NEWS): ‘పుష్ప2’ చిత్రం నుండి స్పెష‌ల్ సాంగ్ విడుద‌లైంది. అల్లు అర్జున్ హీరో గా తెర‌కెక్కిన చిత్రం ‘పుష్ప 2’. మొద‌టి సినిమాలో స‌మంత స్పెష‌ల్ సాంగ్ మాదిరిగా పుష్ప 2లోని ప్ర‌త్యేక గీతంలో శ్రీ‌లీల న‌టించిన సంగ‌తి తెలిసిందే. డ్యాన్స్ క్వీన్ శ్రీ‌లీల సాంగ్ అనేస‌రికి ప్రేక్ష‌కుల‌లో ఆస‌క్తి నెల‌కొంది. ఎప్పుడెప్పుడా సాంగ్ విడుద‌ల‌వుతుందా అని ఎదురుచూసిన అభిమానుల‌కు చెన్నై వేదిక‌గా చిత్ర బృందం పాట‌ను విడుద‌ల చేశారు. కిస్సిక్ .. పాట‌కు చంద్ర‌బోస్ లిరిక్స్ అందించ‌గా.. సుబ్లాషిణి ఆల‌పించారు. ఈ చిత్రం డిసెంబ‌ర్ 5 థియేట‌ర్ల‌లో సంద‌డి చేయ‌నుంది.
ఈ నేప‌థ్యంలో చెన్నైలోనిలియో ముత్తు ఇండోర్ స్టేడియంలో ఈవెంట్ నిర్వ‌హించింది. ఈ సంద‌ర్భంగా అల్లు అర్జున్ మాట్లాడుతూ.. నా లైఫ్‌లో ఫ‌స్ట్ 20 ఇయ‌ర్స్ చెన్నైలోనే గ‌డిచాయ‌ని.. చెన్నై వ‌స్తే ఆ ఫీలే వేర‌న్నారు. నేనేం సాధించినా అదంతా చెన్నైకే అంకితమ‌న్నారు. మైత్రి మూవీ మేక‌ర్స్ నిర్మాత‌లు లేక‌పోతే ఈ సినిమా అసాధ్య‌మ‌న్నారు. మాకు సొంత నిర్మాణ సంస్థ ఉన్నా.. మైత్రి మూవీ మేక‌ర్స్ చేసిన‌ట్లు ఏ సంస్తా చేయ‌లేద‌న్నారు. దేవీ నాఫ్రెండ్‌.. నా 20సినిమాల్లో 10 సినిమాలకు త‌నే సంగీతం అందించార‌న్నారు.
