తెలంగాణ యువ క్రీడాకారిణి త్రిష‌కు సిఎం అభినంద‌న‌లు

హైదరాబాద్‌ (CLiC2NEWS): భ‌ద్రాద్రి కొత్త‌గూడెం జిల్లా భ‌ద్రాచ‌లానికి చెందిన గొంగ‌డి త్రిష‌.. భార‌త జ‌ట్టు విజ‌యంలో కీల‌క‌పాత్ర పోషించింది. అంట‌ర్‌-19 మ‌హిళ‌ల ప్ర‌పంచ‌క‌ప్‌లో మొద‌టి సెంచ‌రీ సాధించిన త్రిష‌కు ముఖ్య‌మంత్రి రేవంత్ రెడ్డి అభినంద‌న‌లు తెలిపారు. ప్ర‌పంచ వేదిక‌పై దేశ స‌త్తా చాటిన తెలంగాన బిడ్డ గొంగ‌డి త్రిష మ‌నంద‌రికీ గ‌ర్వ‌కార‌ణ‌మ‌న్నారు. భ‌విష్య‌త్‌లో మ‌రింత‌గా రాణించాల‌ని ఆశిస్తున్నాన‌న్నారు. త్రిష‌లాంటి మ‌రింత మంది క్రీడాకారులు త‌యారు కావాల‌ని.. అందుకు ప్ర‌జా ప్ర‌భుత్వం కృషి చేస్తుంద‌న్నారు. మ‌రింత మంది తెలంగాణ బిడ్డ‌లు ప్ర‌పంచ స్థాయిలో రాణించాల‌నే ఉద్దేశంతో యంగ్ ఇండియా స్పోర్ట్స్ వ‌ర్సిటి ఏర్పాట‌కు సంక‌ల్పించామ‌న్నారు. అవ‌కాశాల‌ను స‌ద్వినియోగం చేసుకొని.. త్రిష లాంటి క్రీడాకారిణిల స్ఫూర్తితో మ‌న క్రీడాకారులు అంత‌ర్జాతీయ స్థాయిలో అద్బుతంగా రాణించాల‌ని పిలుపునిస్తున్నాన‌ని సిఎం అన్నారు.