రిప‌బ్లిక్ డే ప‌రేడ్‌.. ఎపి శ‌క‌టానికి మూడోస్థానం..
అమ‌రావ‌తి (CLiC2NEWS): రిప‌బ్లిక్ డే ప‌రేడ్‌లో 16 రాష్ట్రాల‌కు చెందిన శ‌క‌టాల‌ను ప్ర‌ద‌ర్శించిన సంగ‌తి తెలిసిందే . వాటిలో ఎపికి చెందిన ఏటికొప్పాక బొమ్మ‌ల శ‌క‌టానికి మూడో స్థానం ద‌క్కింది. తొలి రెండు స్థానాల్లో ఉత్త‌ర ప్ర‌దేశ్ , త్రిపుర నిలిచాయి. ఈ మేర‌కు ర‌క్ష‌ణ మంత్రిత్వ శాఖ వెల్ల‌డించింది. జ‌య‌తి జ‌య మ‌హా భార‌తం ప్ర‌ద‌ర్శించిన క‌ళాకారుల‌తో పాటు కేంద్ర ప్ర‌జా ప‌నుల విబాగ శ‌క‌టం ప్ర‌త్యేక బ‌హుమ‌తికి ఎంపిక‌య్యింది. గిరిజ‌న శాఖ శ‌క‌టం కేంద్ర ప్ర‌భుత్వ శాఖ‌ల్లో ఉత్త‌మ శ‌క‌టంగా ఎంపికైంది. త్రివిధ ద‌ళాల్లో జమ్ముకాశ్మీర్ రైఫిల్స్ క‌వాతు బృందం, కేంద్ర బ‌ల‌గాల విభాగంలో ఢిల్లీ పోలీసు క‌వాతు బృందం ఉత్త‌మ మార్చింగ్ కంటింజెంట్‌గా ఎంపికైన‌ట్లు ర‌క్ష‌ణ శాఖ పేర్కొంది.