సికింద్రాబాద్ రైల్వేస్టేష‌న్‌లో కాల్పులు.. ఒక‌రు మృతి
హైద‌రాబాద్ (CLiC2NEWS): దేశ‌వ్యాప్తంగా ‘అగ్నిప‌థ్‌’ను వ్య‌తిరేకిస్తూ ఆందోళ‌న‌కారుల చేప‌ట్టిన నిర‌స‌న‌లలో ఉద్రిక్త‌త చోటుచేసుకుంది. ఆందోళ‌న‌కారుల నిర‌స‌న‌ను నిలువ‌రించేందుకు పోలీసులు భాష్ప‌వాయువు ప్ర‌యోగించారు. ఆయినా ఫ‌లితం లేక‌పోవ‌టంతో పోలీసులు గాల్లోకి కాల్పులు జ‌రిపారు. ఈ క్ర‌మంలో ఒక‌రు మృతి చెంద‌గా మ‌రికొంద‌రికి గాయాల‌య్యాయి. కాల్పుల స‌మ‌యంలో జ‌రిగిన తోపులాట‌లో ప‌లువురు యువ‌కులు గాయ‌ప‌డ్డారు. గాయ‌ప‌డిన వారిని గాంధీ ఆస్ప‌త్రికి త‌ర‌లించారు. వారిలో ప‌లువురి పరిస్థితి విషమంగా ఉన్న‌ట్లు స‌మాచారం.