ప్రజా జీవనానికి భంగం కలిగిస్తే చర్యలు తప్పవు: ఎసిపి తిరుపతి రెడ్డి
మంచిర్యాల (CLiC2NEWS): ప‌ట్ట‌ణంలోని సబ్ డివిజన్ పరిధిలోని ఆర్మీ ఉద్యోగాలకు ఎన్నికైన మరియు ప్రయత్నం చేస్తున్నటువంటి 30 మంది యువకులకు ఎసిపి తిరుపతి రెడ్డి కౌన్సిలింగ్ నిర్వహించారు. ఈ సందర్భంగా ఎసిపి మాట్లాడుతూ.. ప్రజా జీవనానికి విఘాతం కలిగిస్తే చట్టపరమైన చర్యలు తీసుకోవడం జరుగుతుందన్నారు. శాంతియుతంగా నిరసనలు తెలిపే హక్కు ప్రతి ఒక్కరికీ ఉంటుందని ప్రజా జీవనానికి భంగం కలిగినా, ఆస్తులను ధ్వంసం చేసినా చట్ట ప్రకారం తీవ్రమైన నేరంగా పరిగణిస్తామన్నారు. అల్లరులు, విధ్వంసాలకు పాల్పడేవారు క్రిమినల్ కేసుల్లో ఇరుక్కంటే జీవితం అంధకారంగా మారుతుందన్నారు.
ప్రస్తుతం వివిధ ఉద్యోగాల నోటిఫికేషన్లు వెలువడిన నేపథ్యంలో యువత ఉద్యోగాలకు సిద్ధంకావాలన్నారు. కార్యక్రమంలో మంచిర్యాల పట్టణ సీఐ నారాయణ జన్నారం ఎస్ఐ సతీష్,దండేపల్లి ఎస్ఐ సాంబమూర్తి సిసి నస్పూర్ ఎస్సై శ్రీనివాస్ లక్షెట్టిపేట ఎస్ఐ చంద్రశేఖర్, మంచిర్యాల పట్టణ ఎస్సైలు, తదితరులు పాల్గొన్నారు.