మందుబాబుల‌కు వింత శిక్ష.. 1000 సార్లు ఇంపోజిషన్
కొచ్చి (CLiC2NEWS): మ‌ద్యం సేవించి వాహ‌నాలు న‌డిపే వారికి కేర‌ళ పోలీసులు వినూత్న రీతిలో శిక్ష విధించారు. స్కూల్ విద్యార్థుల‌కు ఇంపోజిషన్ మాదిరిగా.. ‘ఇక‌పై తాగి డ్రైవింగ్ చేయ‌ను’ అని 1000 సార్లు రాయించారు. ఆదివారం కొచ్చిలోని ఓ ప్రైవేట్ బ‌స్సు ఢీకొని మోటార్ వెహిక‌ల్‌పై వెళుతున్న వ్య‌క్తి మృతి చెందాడు. ఈ ఘ‌ట‌న‌తో హైకోర్టు జోక్యం చేసుకొని క‌ఠిన చ‌ర్చ‌లు తీసుకోవాల‌ని పోలీసులను ఆదేశించింది. ఆనంత‌రం పోలీసులు సోమ‌వారం నుండి త‌నిఖీలు చేప‌ట్టారు. ఈ నేప‌థ్యంలో డ్రంక్ అండ్ డ్రైవ్‌లో ప‌ట్టుబ‌డిన మందుబాబుల‌కు పోలీసులు ఇంపోజిషన్ శిక్ష వేశారు. కానీ ఇంపోజిషన్ త‌ర్వాత కూడా అస‌లు శిక్ష త‌ప్ప‌ద‌ని పోలీసులు స్ప‌ష్టం చేసిన‌ట్లు స‌మాచారం.