విశాఖ ఎక్స్‌ప్రెస్: మ‌ద్యం మ‌త్తులో ప్ర‌యాణికురాలిపై లైంగిక దాడికి య‌త్నం..
మిర్యాల‌గూడ (CLiC2NEWS): విశాఖ ఎక్స్‌ప్రెస్ ట్రైన్‌లో ఓ దుండ‌గుడు ప్ర‌యాణికురాల‌పై లైంగిక దాడికి ప్ర‌య‌త్నించిన ఘ‌ట‌న క‌ల‌క‌లం రేపింది. ఈ ఘ‌ట‌నలో మ‌హిళ రైలునుండి కింద ప‌డిపోవ‌డంతో గాయాల‌య్యాయి. ఆమెను ఆస్ప‌త్రికి త‌ర‌లించారు. సికింద్రాబాద్ నుండి భువ‌నేశ్వ‌ర్ వెళ్లే విశాఖ ఎక్స్‌ప్రెస్ ట్రైన్‌లో మంగ‌ళ‌వారం రాత్రి 7 గంట‌ల‌కు మిర్యాల‌గూడ స్టేష‌న్‌కు స‌మీపంలో ఘ‌ట‌న జ‌రిగింది. రైలు నెమ్మ‌దిగా వెళుతుండ‌గా మ‌హిళ‌ను డోర్ వ‌ద్ద ఉన్న మ‌ద్యం మ‌త్తులో ఉన్న యువ‌కుడు ప‌ట్టుకుని కిందికి లాగ‌డంతో ఆమె రైలునుంచి కిందకి ప‌డిపోయింది. రైలు కొద్ది దూరం వెళ్లిన త‌ర్వాత ఆ దుండ‌గుడు కూడా కింద‌ప‌డిపోయాడు. బాధితురాలు స‌మీపంలోని స్థానికుల‌కు స‌మాచారం అందించింది. ఆమెను రైల్వే పోలీసులు ఆస్ప‌త్రికి త‌ర‌లించారు. మ‌ద్యం మ‌త్తులో రైలు ప‌ట్టాల‌పై ఉన్న బిశ్వాస్‌ను మ‌రో ఆస్ప‌త్రికి త‌ర‌లించారు. బాధితురాలి ఫిర్యాదు మేర‌కు కేసు న‌మోదు చేసి ద‌ర్యాప్తు చేస్తున్నారు.