‘పుష్ప2’ ట్రైల‌ర్ రిలీజ్
Puspa 2 Trailer: ప‌ట్నా వేదికగా పుష్ప ట్రైల‌ర్ విడుద‌లైంది. అల్లు అర్జున్ ఫ్యాన్స్‌, సినీ ప్రియులు ఎప్పుడెప్పుడా అని ఎదురుచూస్తున్న పుష్ప2 ట్రైల‌ర్‌ను చిత్ర బృందం ఆదివారం సోష‌ల్ మీడియా వేదికగా విడుద‌ల చేసింది. పుష్ప అంటే ప్ల‌వ‌ర్‌కాదు.. ఫైర్ కాదు.. వైల్డ్‌ఫైర్ అంటూ అర్జున్ చెప్పే డైలాగులు అభిమానుల్లో జోష్ను నింపుతున్నాయి. ఈ చిత్రం వ‌చ్చేనెల 5వ తేదీన ప్రేక్ష‌కుల ముందుకు రానున్న సంగ‌తి తెలిసిందే. ఈ సినిమాలో శ్రీ‌లీల ప్ర‌త్యేక గీతంలో అల‌రించ‌నుంది. చిత్ర బృందం పట్నాలో ట్రైల‌ర్ లాంచ్ ఈవెంట్ భారీగా నిర్వ‌హించింది.
పుష్ప 2 ట్రైల‌ర్ రిలీజ్ వేడుకకు గాంధీ మైదాన్ వేదికైంది. ఈవెంట్‌కు దాదాపు 2 ల‌క్ష‌ల మంది హ‌జ‌ర‌యిన‌ట్లు స‌మాచారం. ఈ ఈవెంట్‌కు ముఖ్య అతిథిగా బిహార్ ఉప ముఖ్య‌మంత్రి విజ‌య్‌కుమార్ హాజ‌రై, చిత్ర బృందానికి శుభాకాంక్ష‌లు తెలిపారు.