వేగంగా డ్యాన్స్ చేయడం ఆపేయాలి.. షారుక్ విజ్ఞ‌ప్తి..
Shah Rukh Khan: ద‌క్షిణాది హీరోల‌పై బాలీవుడ్ హీరో షారుక్‌ఖాన్ ఆస‌క్తి క‌రమైన విష‌యాలు పంచుకున్నారు. ద‌క్షిణాది హీరోలు వేగంగా డ్యాన్స్ చేయడం ఆపేయాలంటూ విజ్ఞ‌ప్తి చేస్తూ న‌వ్వులు చిందించారు. దుబాయ్ వేదిక‌గా జ‌రిగిన గ్లోబ‌ల్ విలేజ్ కార్య‌క్ర‌మానికి షారుక్‌ఖాన్ హాజ‌ర‌య్యారు. వేదిక‌పై డాన్స్ చేసి అల‌రించారు. ద‌క్షిణాది హీరోలు ప్ర‌భాస్‌, మ‌హేశ్‌బాబు, అల్లు అర్జున్ , ర‌జ‌నీకాంత్‌, రామ్‌చ‌ర‌ణ్‌ విజయ్, య‌శ్ త‌దిత‌రులు త‌న స్నేహితుల‌ని పేర్కొన్న ఆయ‌న .. వేగంగా డ్యాన్స్ చేయడం ఆపేయాల‌ని వారికి విజ్ఞ‌ప్తి చేశారు. డ్యాన్స్ విష‌యంలో వారిని ఫాలో అవ‌డం క‌ష్ట‌మంటూ న‌వ్వులు పూయించారు. దీనికి సంబంధించిన వీడియే సోష‌ల్ మీడియాలో వైర‌ల‌వుతోంది. డ్యాన్స్ గురించి చెబుతూ ఆయా హీరోల పేర్లు ప్ర‌స్తావిస్తుండగా అభిమానులు కేరింత‌ల‌తో వేదికంతా సందడి నెల‌కొంది. అయితే ద‌క్షిణాది డైరెక్ట‌ర్ అట్లీ , న‌టులు న‌య‌న‌తార, విజయ్ సేతుప‌తి కాంబినేష‌న్‌లో వ‌చ్చిన జ‌వాన్ చిత్రం రూ.1000 కోట్లు వ‌సూలు చేసిన విష‌యం తెలిసిందే. ప్ర‌స్తుతం షారుక్ సిద్ధార్థ్ ఆనంద్ ద‌ర్శ‌క‌త్వంలో కింగ్ చిత్రంలో న‌టిస్తున్నారు. ఈ చిత్రంలో షారుక్ త‌న‌య సుహానా ఖాన్ కీల‌క పాత్ర పోషిస్తున్న‌ట్లు స‌మాచారం.