మెగా డాటర్ నిహారిక పెళ్లి వీడియో చూడండి
మెగా డాటర్ నిహారిక పెళ్లి వేడుక‌లో మెగా హీరోలంతా హాయిగా ఎంజాయ్ చేశారు. కాగా ఇప్పటికే నిహారిక సంగీత్, ప్రీ వెడ్డింగ్, మెహందీ వేడుకలకు సంబంధించిన వీడియోలను తన యూ ట్యూబ్ ఛానెల్ లోనే విడుదల చేసాడు నాగబాబు. ఇప్పడు పెళ్లి వీడియో విడుదల చేసాడు. ఇందులో మెగా కుటుంబం అంతా సందడి సందడిగా గడిపింది. ఆకాశమంత పందిరి.. నేలంతా సందడి అంటే ఎలా ఉంటుందో కళ్ల ముందు చూపించారు మెగా కుటుంబం. పెళ్లి కొడుకును మంటపానికి తీసుకొచ్చే దగ్గర్నుంచి.. తాళి కట్టే వరకు అంతా సందడిలా జరిగింది. ముఖ్యంగా పెళ్లి కొడుకు చైతన్య కూడా డాన్సులు చేసాడు. ఆయన్ని ఆహ్వానించేటప్పుడు సాయి ధరమ్ తేజ్, వరుణ్ తేజ్ కూడా స్టెప్పులేసారు. ఆ తర్వాత నిహారిక, నాగబాబు కూడా డాన్సులతో మైమరిపించారు. ఇక పెళ్లి వీడియోలో చిరంజీవి, పవన్ కళ్యాణ్ పక్కపక్కనే కూర్చుని నవ్వుతూ మాట్లాడుకోవడం.. ఆ సమయంలోనే ఎవరికో వీడియో కాల్ చేసి చిరు చూపించడం హైలైట్. అక్కడ జరుగుతున్న పెళ్లిని కూడా వీడియో కాల్ లో చూపిస్తున్నాడు చిరంజీవి. మొత్తానికి విడుదలైన క్షణం నుంచి నిహారిక పెళ్లి వీడియో మాత్రం వైరల్ అవుతుంది.